Humb ndjenjat sapo bie në kontakt me ujin, ndërron jetë e moshuara në Sarandë

Një 74-vjeçare ka humbur ndjenjat dhe ka ndërruar jetë fill pasi ka rënë në kontakt me ujin e detit, në qytetin e Sarandës.

Nga ajo që mësohet është se ngjarja e rëndë ka ndodhur pak minuta më parë në plazhin e njohur me emrin “Çentrali” në Sarandë.

E moshura A. Blaca ka hyrë për tu larë në det, por dëshmitarët thonë se është rrëzuar dhe ka humbur ndjenjat. Në ndihmë i ka ardhurmenjëherë roja e plazhit. Pasi e ka nxjerrë në breg, gruaja është dërguar me urgjencë drejt spitalit, ku mësohet të ketë shkuar e vdekur.

Policia dyshon se e moshura ka pësuar atak kardiak, por pritet kryerja e autopsisë për të nxjerrë dhe shkakun e vdekjes së saj.

(E.K/SHUPLAKA)