Policia e Himarës u vjen në ndihmë dy turistëve të huaj të cilët kishin humbur në një zonë të thellë të Himarës.
Ata janë gjendur dy turistët të cilët mëngjesin e sotëm janë shpallur të humbur në afërsi të fshatit Iljaz.
Atja tashmë kanë zbritur malin në të cilin ishin lokalizuar.
Turistët janë një çift belg 25-vejç dhe 30-vjeç të cilët ishin duke eksploruar natyrën por përr shkak se nuk e njihnin zonën kishin humbur.
Kujtojm që më parë ata janë lokalizuar nëpërmjet valëve të telefonit dhe pas kërkimit janë gjendur.
Njoftimi i policisë:
Më datë 18.04.2019, rreth orës 15:30, dy turistë të huaj belgë (çift) kanë telefonuar Sallën Operative Vlorë dhe kanë kërkuar ndihmë se kishin humbur në një zonë të thellë malore të Himarës.
Menjëherë pas marrjes së informacionit, shërbimet e policisë Himarë kanë organizuar punën kërkimore për gjetjen e këtyre dy shtetasve duke u shpërndarë në terren rreth 15 forca policie.
Lokalizimi i tyre ka qenë tepër i vështirë pasi kushtet e këtij terreni janë tepër të thepisura dhe të thyera duke vështirësuar kështu komunikimin dhe gjetjen e tyre.
Pas 20 orë kërkimesh intensive në këtë zonë shkëmbore është bërë e mundur gjetja e tyre gati në majë të një mali midis fshatrave Vranisht dhe Iljaz të Himarës.
Ata kishin qenë duke ecur në këmbë me qëllim eksplorimin e turizmit malor të këtyre zonave.
Për shkak të terrenit të vështirë kishin ngatërruar rrugën e kthimit dhe për këtë kërkuan ndihmën e Policisë.
Theksojmë se turistët janë në gjendje të mirë shëndetësore dhe po bëhet transporti i tyre pranë hotelit bazë në të cilin ata po qëndrojnë.
Turistët kanë falenderuar Policinë për ndihmën e dhënë.
(s.a/faxweb.al)
Discussion about this post