Reagime rrëqethëse vijnë nga të afërmit e çiftit shqiptar të vrarë më 31 dhjetor në Melbourne të Australisë nga babai i vajzës.
Fatima Musai, e afërmja e djalit të vrarë, Veton Musai, shkruan në “Facebook” disa fjalë shumë prekëse për ndarjen nga jeta të të riut. Ajo shprehet e tronditur nga kjo ngjarje, ndërsa thotë se tani asgjë nuk do të jetë më si më parë pa të.
“Jam plotësisht pa fjalë. Ne kemi humbur djalin tonë me sy blu. Jetët tona nuk do të jenë më kurrë njësoj tani. Vëllai im i mrekullueshëm, si do ta përballojmë ne këtë? E vetmja gjë që më qetëson është të di se ti ike së bashku me Linditën, me dashurinë e jetës tënde.
Një dashuri që ishte aq e rrallë. Ju do të jeni përgjithmonë në zemrën time, nuk mund të pres ditën kur të gjithë do të jemi bashkë përsëri. Të dua “cuca””, shkruan Fatima Musai në postimin e saj.
(M. I./ Faxweb.al)
