Humoristi dhe moderatori Ermal Mamaqi, i ftuar në emisionin “Rudina” në televizionin Klan, tregon një histori të para një viti, kur atij dhe Amit iu humbi djali në Barcelonë. Po po, në Barcelonë!
Duket e habitshme se si mund të ketë ndodhur kjo, por Ermali tregon se ai dhe Ami ishin të shpërqendruar nga puna.
“Ndonjëhere e marrim në udhëtime pune dhe janë këto raste që kanë kaluar shumë kohë që s’e kemi parë, por pastaj bëhesh pishman se edhe ai mërzitet se t’i duhet të punosh.
Po na humbi njëherë në Barcelonë, o ça tmerri, ishte një panair me fustane nusesh dhe aty mund të kishte rreth 5 mijë veta. Edhe ne po shihnim fustanet dhe djalin e mbaja njëherë unë, pastaj Ami. Nuk e di çfarë ndodhi por vjen në një moment Ami dhe më thotë: Po e mban ti djalin?
Jo i them unë: Po e mban ti djalin! Djali nuk ishte as tek unë as tek ajo dhe filloi paniku.”, tregon Ermali.
Pas kësaj moderatori i “Xing me Ermalin” tregon se angazhuan të gjithë hotelin në Barcelonë për t’u vënë në kërkim të Joelit të vogël.
“Kur të humb fëmija e humb komplet kontrllin”, shprehet Ermali për ngjarjen. Ata e gjejnë pas pesë minutash pranë një pianoje, një vend që Joelit i kishte pëlqyer shumë mëngjesin e asaj dite, dhe kishte dashur të rrinte atje, por për shkak të punës Ami dhe Ermali nuk ia kishin plotësuar dëshirën.
“Në mes të 5 mijë vetave, shkoj te një vend mbas 5 minutash ferri e gjejmë te pianoja. Kishte shku dhe po i binte pianos. Këto janë ato momente kur thua a vlen më shumë puna?!”, shton ai. (D.D/Shuplaka)
