Argjentina nuk ka mundur të shkojë më shumë se një barazim 1-1 sot përballë Islandës duke zhgënjyer në ndeshjen e saj të parë në Kupën e Botës.
Por ky rezultat edhe falë një gabimi të Messit i cili nuk arriti të shënojë nga pika e bardhë, ndërsa gjatë takimit nuk kërcënoi asnjëherë seriozisht portën e islandezëve.
Trajneri i Argjentinës, Jorge Sampaoli, pas takimit ka thënë se Argjentina ishte e çrregulluar në sulm, ndërsa ka shtuar se Islanda luajti shumë mirë në mbrojtje.
Në lidhje me Leon ai u shpreh: Messi ishte në një situatë të pakëndshme sepse Islanda luajti shumë në mbrojtje, dhe nuk mund të gjente hapësirën që kishte nevojë.
“Por ne ende besojmë në vetën tonë dhe e dimë se kemi të gjitha mjetet për të pasur sukses”, ka shtuar ai. (B.H/Faxweb)
