Parlamenti i Hungarisë ka miratuar një ligj të ri përsa i përket azil-kërkuesve. Sipas këtij ligji të miratuar ditën e sotme të gjithë azilkërkuesit duhet të mbahen në kampe përgjatë kufirit jugor të vendit, ndërkohë që shqyrtohen kërkesat e tyre.
Po kështu kërkohet që të imigrantët të mbahen në kontenierë transporti dhe atyre nuk u lejohet të largohen prej andej, vetëm në se është zgjedhja e tyre që të shkojnë në Serbi.
Agjencia e Kombeve të Bashkuara për Refugjatët shprehu shqetësim të thellë për ligjin e ri, duke thënë se sipas ligjeve ndërkombëtare dhe të Bashkimit Europian, azilkërkuesit mund të mbahen të ndaluar, vetëm në se kjo gjë shihet si “e nevojshme, e arsyeshme dhe me masë”.
Sipas qeverisë ky ligj është i nevojshëm për të mbrojtur sigurinë kombëtare, kulturën dhe identitetin europian. (J.V/Shuplaka)
Discussion about this post