Jahmir Hyka ka pak kohë që ka shkuar në SHBA por duket se atje ka bindur plotësisht të gjithë për talentin që ka. Xhese Fioraneli, drejtori sportiv i San Hoze Wrthkuejks, të cilit iu bashkua mesfushori shqiptar, ka paralajmëruar italianët për cilësitë e futbollistit shqiptar i cili pritet të jetë në fushën e lojës ndaj Italisë të premten.
Fioraneli ka qenë pjesë e stafit drejtues të Romës deri pak muaj më parë, kur vendosi t’i bashkohej San Hoze Wrthkuejks dhe një nga blerjet e tij të para si drejtor sportiv ishte pikërisht ajo e Hykës të cilin ai e vlerëson maksimalisht për cilësitë teknike që ka.
“Pas pak do të njihni Jahnir Hykën, do të luajë në Palermo ku është grumbulluar nga De Biazi për të sfiduar Italinë. Ai është një lojtar interesant për t’u parë, i aftë me topin në këmbë, është një lojtar sulmi që ka cilësi mbi mesataren. I bukur për ta parë tek luan ndërsa vë në vështirësi kundërshtarin. Është i paparashikueshëm”, paralajmëroi Fioraneli italianët në një intervistë të tij për “TMR”. (E.K/SHUPLAKA)
