Kreu i qeverisë përmes një videoje nga makina e tij, njofton se është nisur drejt Brukselit për të bërë përpjekjet e fundit për të bindur vendet e BE-së që të çelin negociatat me Shqipërinë.
Sipas Ramës Gjermania po bën të gjitha përpjekjet për të bindur Francën dhe vendet e tjera anëtarë që të japin një po për Shqipërinë dhe Maqedoninë e Veriut.
Rama tha se drejt Bruskelit së bashku me të do të udhëtonte edhe kryeministri i Maqedonisë Zaev, vendi i të cilit duket se do të penalizohet për shkak të Shqipërisë.
“Kancelarja Merkel dhe Gjermania po përpiqen për një po për të dyja vendet, ndërkohë që qëndrimi i Presidentit Macron dhe i Francës nuk përkon të paktën për momentin me atë të Gjermanisë dhe të shumicës dërrmuese të vendeve anëtare.
Nuk jam as optimist dhe as pesimist për rezultatin e këtij procesi, por me realizëm gjykoj se po behet maksimumi për të marrë PO=në e merituar dhe më e mbështetur se sot me thënë të drejtën Shqipëria nuk ka qenë më e mbështetur se kësaj radhe”, tha Rama.
(E.K/Faxweb.al)
