Tre adoleshentë kanë mbetur të vdekur pasi u qëlluan nga pronari i një banese ku ata kishin hyrë për të grabitu. Adoleshentët e maskuar ishin njëri 15-vjeç ndërsa dy të tjerët nga 16-vjeç.
Të rinjtë iu afruan tre banesave rreth orës 04:00 të mëngjesit të së hënës për t’i grabitur.
Njëri nga hajdutët nxori armën dhe gjuajti disa të shtëna para se një nga banorët t’i kundërpërgjigjej duke e qëlluar me armë zjarri.
Policia njoftoi:
‘’Tre të dyshuarit për grabitje në tentativë u qëlluan gjatë shkëmbimit të zjarrit dhe ndërruan jetë nga plagët e marra. Njëri prej tyre humbi jetën në vendngjarje ndërsa dy të tjerët në spital.”
Emrat e adoleshentëve nuk u bënë publike.
Një nga banorët u shpreh:
‘’Ata ishin të zonës por nuk jetonin në atë lagje.”
