Alex Best, nga Newton Aycliffe në Qarkun e Durhamit, ka fituar 1 million paund në një lotari. Djali 21 vjeçar zgjodhi biletën prej shtatë figurave në lotarinë e quajtur Lucky Dip. Dhe ka në plan të blejë një makinë “Aston Martin”, sapo të marrë patentën.
Pasi hyri në dyqan për të blerë një qese të vogël me karamele, Best vendosi të blinte vetëm një biletë Lucky Dip disa orë para se lotaria të mbyllej.
Ai tha për Daily Mail: “Është thjesht e pabesueshme. Unë hyra në dyqan për të blerë karamele dhe mendova të provoj fatin me një biletë, nuk e kisha menduar kurrë se do fitoja”. I riu tani ka në plan të lerë punën për të ndjekur një karrierë në muzikë.
(M.Q/Faxweb)
