Hyri në pularinë në Fier dhe grabiti 13 milionë lekë, Policia e ndjek dhe e arreston 22-vjeçarin

Një tjetër vjedhje është shënuar mbrëmjen e djeshme. Këtë herë pre e grabitjes ka rënë një biznes në Fier. Autori pasi ka hyrë në ambjentet e brendshme ka mundur të marrë një shumë prej 13 milion lekësh të vjetra.

Polcia ka zbardhur menjëherë ngjarjen e ndodhur në biznesin privat (pulari) në fshatin Radostinë.

Sipas bluve të Fierit, pas kallëzimit të marë nga A.D, 52 vjeç, se gjatë natës një person i pa njohur ka hyrë në zyrat e tij dhe i ka vjedhur një shumë prej 13 milion lekë të vjetra, menjëherë u organizua puna dhe u bë e mundur identifikimi dhe kapja e autorit të dyshuar. Specialistët për Hetimin e Krimeve në Komisariatin e Policisë Fier, ndaluan Elidjon Baçja, 22 vjeç, banues në lagjen “Liri” Fier.

Materialet i kaluan Prokurorisë pranë Gjykatës së Shkallës së Parë Fier për veprën penale “Vjedhja”. 

(E.K/SHUPLAKA)