Nuk ka fitues në ndeshjen e madhe të javës së 30-të të Serisë A mes Napolit dhe Juventusit. Në “San Paolo”, dueli që riktheu Gonzalo Higuainin për herë të parë si kundërshtar u nda në barazim 1-1.
Takimi nisi mbarë për miqtë nga Torino, që kaluan përpara që në minutën e shtatë me Sami Kedirën.
Përgjigja e të zotëve të shtëpisë erdhi gjysmë ore para fundit të lojës, kur Marek Hamshik përmbylli me sukses një aksion të bukur.
Katër minuta më pas, Dris Mertens pati mundësinë e artë për të përmbysur rezultatin, por shtylla i mohoi gëzimin e golit.
Pas këtij barazimi Juventusi zbret në +6 pikë nga Roma e vendit të dytë, kurse Napoli forcon pozitat në vendin e tretë me dhjetë pikë më pak se “Zonja e Vjetër”. (E.K/SHUPLAKA)
Discussion about this post