Mbrojtësi i Kombëtares, Elseid Hysaj, mendon se De Biassi nuk do lagohet nga drejtimi i Kombëtares shqiptare.
Ai ka deklaruar se zërat për një largim të tij nuk mund të jenë të vërtëtë sepse sipas tij ata që do e merrnin vesh të parët do të ishin lojtarët.
“Mediat italiane De Biasi ikën pas Izraelit? Nuk i lexoj këto lajme. Në Itali flitet shumë për këdo, për futbollistët. Për mua thanë që do të ikja te Barcelona, por nuk është e vërtetë. Nëse do të largohej trajneri do të na e thoshte, por ai nuk na ka thënë gjë dhe nuk besoj se është e vërtetë”, ka deklaruar Hysaj në konferencën për media para ndeshjes me Izraelin.
Hysaj ka folur edhe për objektivin e Kombëtares në ndeshjen me Izraelin. Ai ka thënë se objektivi i vetëm është fitorja.
“Për mua është finalja e vitit. Sepse pas fundit të kampionatit, mbyllet edhe sezoni. Dëshiroj ta mbyll me një fitore për ta mbyllur të qetë dhe të gëzuar. Kam besim te skuadra, te vetja te trajneri dhe të të gjithë’, u shpreh ai.
Pas ndeshjes me Luksemburgun u fol se kombëtarja është në fund të një cikli dhe ka nevojë për rifreskime por Hysaj nuk mendon kështu.
“Fundi i ciklit në Kombëtare? Kjo është fjalë shumë e madhe, sepse fundi i një cikli do të thotë fundi i një skuadre. Ne jemi ende këtu, kemi shumë lojtarë të rinj. Besoj që cikli nuk ka mbaruar, por sapo ka nisur”, ka përfunduar Hysaj.(B.H/Shuplaka)
Discussion about this post