Nuk arriti të dalë fitues por Flamur Hoxha, kandidati demokrat në Kamëz, Paskuqan habit këtë mëngjes Mimoza Hajdarmatajn dhe Asllan Dogjanin.
Të dy nuk u përfshinë në listat e deputetëve nga Lulzim Basha, por siç thotë Hoxha morën pjesë pjesë me dinjitet në fushatën elektorale.
”Nuk shaluan inatin e hakmarrjen si shumë të tjerë që dolën kundër Partisë Demokratike hapur e fshehtë, pse nuk dolën kandidatë për deputetë.”, shkruan kandidati Hoxha.
”I falenderoj përzemërsisht dy deputetët e nderuar Mimoza Hajdarmatën dhe Asllan Dogjanin që morën pjesë me dinjitet në fushatën elektorale të Partisë Demokratike në Bashkinë Kamëz.
Këta miq të mi që na mbështetën pa rezerva ditën t’i jenë mirënjohës Partisë Demokratike. Faleminderit miq! Faleminderit Mimoza HAJDARMATAJ ! Faleminderit Asllan Dogjani !”, vazhdon më tej ai.
Një pjesë e deputetëve të rëndësishëm në PD si Jozefina Topalli dhe Astrit Patozi që u lanë jashtë listës nuk u angazhuan në fushatë, madje kërkuan dorëheqjen e Bashës që në nisje të fushatës elektorale. (V.G/SHUPLAKA)
