Ish kryeministri Sali Berisha me anë të një postimin në Facebook ka publikuar mesazhin e një qytetari ‘dixhital’ i cili shkruante se një i mitur i moshës 6 vjeçare është përdhunuar në 28 prill, në fshatin Shkozë të Thumanës dhe i dyshuari është ndaluar nga Policia.
Më tej qytetari shkruan se i dyshuari ka lidhje të afërt me kryebashkiakun socialit të Krujës, Artur Bushi, dhe se po mundohet të fshehë ngjarjen.
Ndërkohë që për këtë ngjarje ka reaguar dhe policia e Krujës e cila me anë të një njoftimi sqaron se shtetasi është arrestuar dhe se policia nuk e ka fshehur si ngjarje.
“Në lidhje me një lajm të publikuar në media, me pretendimin se Komisariati i Policisë Krujë ka fshehur ngjarjen ju sqarojmë se:
Rasti që është trajtuar në media që bën fjalë për një shtetas, i cili dyshohet se ka kryer marrëdhënie seksuale me një të mitur, ju informojmë se autori i dyshuar shtetasi D.T, është arrestuar.
Policia nuk e ka fshehur si ngjarje, e ka publikuar si lajm në faqen zyrtare të Policisë së Shtetit pa dhënë më tepër detaje, me qëllim për të ruajtur dhe mos cënuar të drejtat e fëmijës.
Neni përkatës tregon edhe veprën penale që dyshohet se ka kryer shtetasi i arrestuar.
Vijojnë hetimet dhe pritet akti i ekspertit mjeko-ligjor në zbardhjen e plotë të saj.
Duke ju falenderuar për bashkëpunimin!”
Denoncimi i rëndë: I afërmi i kryebashkiakut socialist përdhunon 6 vjeçarin, polica fsheh krimin
(M.Q/Faxweb)
