Në ditën kur në veriun e Kosovës do të votohet për të zgjedhur 4 kryetarë e komunave ishte vendosur që Marko Gjuriç, drejtori i Zyrës Serbe në Kosovë, do të zhvillonte një takim.
Ky takim është anuluar sepse ky i fundit nuk është lejuar të hyjë në Kosovë, dhe lajmi është konfirmuar nga Ministria e Punëve të Jashtme.
Në një intervistë për televizionin shtetëror serb, drejtori i të ashtuquajturës Zyrë serbe për Kosovën, Marko Gjuriç, tha se ditën e nesërme, do ta vizitojë Veriun e Kosovës. Ai planifikoi këtë vizitë sepsi siç u shpreh këto zgjedhje janë të rëndësishme për t’i mbrojtur interesat e Serbisë. Por, diçka e tillë nuk do të jetë e mundur sepse MPJ nuk ia ka aprovuar kërkesën atij.
Këshilltari politik i ministrit të Jashtëm, Jetlir Zyberaj, tha se kërkesa për vizitë nuk i është aprovuar Gjuriqit sepse nuk është në përputhje me kriteret e marrëveshjes së Brukselit.
“Ka kërku sot leje, po ja kemi refuzu, sepse nuk është në përputhje me kriteret e marrëveshjes së Brukselit”, është shprehur Jetlir Zyberaj .
Gjuriq ka bërë kërkesën sot, ndërsa marrëveshja thotë se kërkesa për vizita zyrtare duhet të bëhet gjatë ditëve të punës (nga e hëna deri të premtën), jo gjatë fundajvës.
Zgjedhjet e jashtëzakonshme do të mbahen nesër në Leposaviq, Zubin Potok, Zveçan dhe Mitrovicë Veriore pas dorëheqjes së kryetarëve.
Dorëheqja e tyre ka ardhur për shkak të taksës 100% të vendosur nga Qeveria Haradinaj. Për disa muaj rresht, këto komuna mbetën pa kryetar, më pas presidenti Thaçi, mori vendim për zgjedhje të jashtëzakonshme.
Vitin e kaluar, Policia e Kosovës ka arrestuar në Mitrovicë të Veriut shefin e të ashtuquajturës zyrës për Kosovën, Marko Gjuriç. Arrestimi ka ndodhur në tubimin serb në Kosovë, ku Gjuriç ka shkuar përkundër se autoritetet kosovare ia kanë ndaluar hyrjen.
Discussion about this post