I bashkohet LSI-së, kush është aktori dhe regjisori i njohur që u pa në krahë të ministres Gjosha

I është bashkuar Lëvizjes Socialiste për Integrim, madje u pa në krahë të ministres së Integrimit Klajda Gjosha.

Aktori dhe regjisori i njohur, Laert Vasili, ka vendosur të bëhet pjesë e kësaj partie dhe pikërisht gjatë një takimi me të rinjtë e LRI-së në Tiranë, Klajda Gjosha e ka prezantuar para të pranishmëve aktorin, i cili pёrfaqёson dhe njё grup tё madh artistёsh që kanë vendosur t’i bashkohen LSI-së.

Duke marrë fjalën, Vasili tha se ndonëse ka jetuar e punuar për shumë vite jashtë vendit, emocionin më të fortë e ka përjetuar duke qenë bashkë me të rinjtë e Lëvizjes Rinore për Integrim.

“Jam i sigurt për fitoren dhe për të ardhmen e Shqipërisë. Jam shumë i sigurt kur shoh se ju nuk jeni nga ata që do bëni dokumentet për të fituar lotarinë dhe për të braktisur këtë vend, por ju do jepni energjinë tuaj, për ta bërë këtë vend, që siç zgjodha unë pas 20 vjetësh të kthehem në Shqipëri pas një karriere jashtë, ju siguroj se emocionin më të fortë nuk e kam ndjerë në asnjë publik në vendet e Europës, por emocionin më të fortë e përjetoj sot tek ju, tek Lëvizja Rinore për Integrim”, tha Laert Vasili. (V.G/SHUPLAKA)