Punëtorit i bie guri në kokë gjatë punës në gropën e gëlqeres, arrestohet pronari i kompanisë. Ngjarja ka ndodhur në Korçë, në një kompani të prodhimit të gëlqeres. Në flagrancë është arrestuar pronari i kompanisë për veprën penale: “Shkelja e rregullave të mbrojtjes në punë”.
Specialistët e Seksionit për Krimet, në Komisariatin e Policisë Korçë, bënë kapjen dhe arrestimin në flagrancë të shtetasit:
Andon Ropi, 50 vjeç, banues në fshatin Leshnjë (me detyrë pronar i një firme të prodhimit të gëlqeres në këtë fshat).
Arrestimi i tij u bë pasi, më datë 16.12.2016, shtetasi N.I, 34 vjeç, banues në fshatin Kamenicë, punëtor në këtë firmë, gjatë punës në grumbullimin e gurëve për prodhimin e gëlqeres, është aksidentuar me një gur në kokë.
Pas marrjes të ndihmës mjekësore në Spitalin e Korçës punonjësi për shkak të situatës kritike u transportua në Spitalin Ushtarak në Tiranë.
