Gazetarja, pedagogia dhe poetja Erenestina Halili ka postuar një foto me fjalë prekëse për të birin Kejdi Halilin.
Kejdi ndërroi jetë më 21 nëntor 2016 në një aksident tragjik me motor, së bashku me shokun e tij, këngëtarin Ergi Dinin.
Sot në ditëlindjen e të birit, ajo shkruan se në këtë datë të këtij viti i biri do të mbushte 22 vjeç. Ajo thekson ndër të tjera se i biri është ringjallur.
“Sot, im bir do të shënonte 22 vite të jetës së tij.
Sot, ime bijë, shënoi emrin në librin e Zotit, në pritje të pagëzimit.
Ajo zgjodhi të mbajë emrin e pagëzimit të vëllait. Ishte e diel, kur ai erdhi në jetë.
Sot e motra mbajti dritën, një dhuratë drejt altarit.
Në krah të saj, nunia, emri i të cilës në libër, krah emrit të bijës!
Janë kreshme, javë e ditë të forta, ato ditë, ku misteri dhe rrugët e Zotit, janë kaq pranë e na kujtojnë ringjalljen!”, shkruan Erenestina Halili.
Një ditë më parë në një intervistë për “Thumb”, e motra e Ergi Dinit, këngëtarja Barbara Dini, shprehu dhimbjen për humbjen e të vëllait.
(XH.A/SHUPLAKA)
