Një incident në Vlorë ka degraduar në konflikt fizik mes dy personave. Ngjarja ka ndodhur në bulevardin Vlorë-Skelë të qytetit.
Burime të policisë lokale bëjnë të ditur se qytetari Edi Alikaj është konfliktuar fizikisht me dy punonjës të kompanisë së parkingut “Tiss Park”. Kur situata ka dalë jashtë kontrollit, njëri prej punonjësve ka goditur me thikë qytetarin Alikaj, i cili njihet si bamirës në qytetin e Vlorës.
Policia ka kryer shoqërimin në komisariat të punonjësit dhe po mban nën kontroll 44-vjeçarin që është shtruar në spital. Bëhet me dije se shkak i sherrit mes tyre është bërë bllokimi i gomës së automjetit të Alikajt.
(Në foto, Edi Alikaj, qytetari që mbeti i plagosur)
