Ka dalë sot përpara Gjykatës Penale të Tiranës, Erdet Çapoku, i cili masakroi me thikë dhe me sende të forta kunatën e tij.
Pas pak do të jetë gjykatësi Llazer Sallaku ai që do të japë masën e sigurisë në ngarkim të 34-vjeçarit, i cili në pamje të parë është shfaqur i qetë në seancë.
Sipas asaj që raporton gazetari i Fax News, Sokol Dema, Çapoku është braktisur dhe nga familjarët e tij, të cilët kanë zgjedhur të mos jenë të pranishëm në seancën e sotme.
Prokuroria ka kërkuar caktimin e masës arrest me burg pa afat në drejtim të Çapokut, i cili po përfaqësohet në seancën e sotme nga një avokat i caktuar nga shteti.
Kujtojmë se Erdet Çapoku e ka pranuar vrasjen e kunatës së tij Enkeleda Çapoku, ndaj të cilës kohë më parë kishte pasur dhe një urdhër mbrojtjeje.
Dëshmia e Erdetit një ditë pas kryerjes së krimit:
“Ditën e djeshme unë kam lënë punën pasdreke, kam shkuar në banesën ku jetoj me qera janë ndërruar kam dalë tek “Ura Ngushtë” në anën e laprakës, piva kafae u ktheva në shtëpi kam marrë një bisht druri sqepari që e kisha në shtëpi e mbaja si masë mbrojtëse mora një thikë që e kisha në banesë dola shkova tek “Ura Ngushtë” tek lokali në anën e Paskuqanit, piva një birrë dhe një raki dhe shkoji ora 23:30 dhe jam nisur për tek banesa e kunatës time Enkeledës, kam shikuar rrotull nuk kishte njeri i kam rënë derës me sup dhe u futa brenda, pasi e dija që shuli nga brenda ishte i dobët dhe kam shkuar direkt tek krevati tek dhoma e gjumit.
Unë e dija që Xhevaire Fjolla flinte tek krevati tek dhe Enkeleda me vajzën te krevati dopio. Kam qëlluarme shkopin e drunjtë një herë në krahë Xhevahiren që të mos ngrihej pastaj kam goditur në fillim me shkop e drunjtë që Enkeledën dhe kur ajo reagoi u ngrit mua mu errën sytë dhe kam nxjerr nga brezi thikën dhe e kam goditur pa e ditur se ku disa herë, por se sa nuk e kujtoj.
Pastaj kam dalë kam marrë biçikletën kam shkuar tek ‘Ura e Ngushtë” dhe kam dalë në Laprakë. Kam shkuar tek banesa e shtetasit Apostol Bitika që e kam djalë daje. Rreth mesnatës, Nuk i kam treguar se çfarë kisha bërë dhe jam ulur direkt në gjumë ku jam ngritur rreth orës 09:30 dhe në 12:30 erdhi policia te banesa e kushëririt dhe më morën.
Kaq kam për të deklaruar.”
(E.K/Faxweb.al)
Discussion about this post