Vetëm pak orë pas arrestimit, është arratisur një nga të burgosurit i cili po transferohej në burgun e Krujës.
Bëhet fjalë për Edison Pulën, i cili ishte në mesin e 9 personave të arrestuar sot nga policia e Durrësit, nën akuzën se ka kryer atentatin ndaj Gentjan Bejtjas (miku i Durim Bamit) në shtator të këtij viti.
Mësohet se policia ka ngritur postblloqe në të gjithë zonën. Plot 10 grupe të FSHN-së kanë rrethuar Krujën dhe Fushë Krujën si edhe të gjitha akset që lidhen me Niklën.
Sipas raportimeve, 21-vjeçari ka goditur me grushta dhe me sende të forta policët.
Përveç Pulës, të arrestuarit e të ashtuquajturës “Banda e Niklës” janë: Fadjol Anamali, Muharrem Sheta,, Ilir Caca, Marklen Haka, Arjan Ademi, Edison Bami, Klaudjo Ismailaja, Astrit Rryçi. Ndërkohë është shpallur në kërkim: Oltjon Caca
Bejtja nga fshati Larushk i Krujës, i cili mbeti i plagosur pas atentatit me eksploziv në automjetin e tij, është emër i njohur për policinë. Ai rezulton person me precedentë penalë të mëparshëm në fushën e veprave penale dhe është lakuar edhe në vrasjen e kryekomisarit Dritan Lamaj.
Ai u dyshua si një ndër autorët e vjedhjes së makinës që u përdor për ekzekutimin e kryekomisarit Lamaj. (D.D/Shuplaka)
Pamje nga ndalimi:
Discussion about this post