Gazetari i ”Top Channel” Klodian Tomori, bën një kërkesë krejt të pafajshme dhe në fund të fundit legjitime kundrejt INSTAT-it. Tomori nxjerr edhe lajmin për të gjithë ne se Instituti i Statistikave nuk ka nxjerrë të dhënat.
”I dashur INSTAT
Po t’u mbush mendja dhe kur të kesh kohë publikoje pak rritjen ekonomike po deshe.”, shkruan Tomori.
Gazetari nuk harron të kujtojë se janari po përfundon dhe kanë mbetur vetëm të dhënat e tremujorit të dytë të vitit të kaluar.
”E dimë që qeveria u ka rënë shumë në qafë me këtë skemën e re 3 ditë pushim 1 ditë punë, por duhet dhe kjo se po mbaron janari dhe kemi mbetur me GDP e tremujorit të dytë të 2016-ës. Edhe në Zimbabve e kanë publikuar rritjen ekonomike të T3. Na falni për shqetësimin. Pushime të mbara.”, ironizon Tomori. Një pjesë e administratës është pushim pas urdhrit të Ramës për prindërit që të kujdesen për të vegjëlit, pas epidemisë së gripit. (V.G/SHUPLAKA)
