Lidhja e tyre është diskutuar prej kohësh dhe çdo ditë e më shumë po bindemi se ka diçka më tepër sesa shoqërore mes Era Istrefit dhe këngëtarit britanik Julian Perreta.
Por deri sa dyshes t’i mbushet mendja që të deklarojë në publik dashurinë, këngëtari i njohur po bën hapat e para drejt kësaj rruge.
Sot ai ka komentuar në një foto të Erës, duke i lënë një koment mjaft special këngëtares.
“Perfeksioni ekziston”, shkruan Julian Perreta i cili e ka shoqëruar komentin me një ikonë zemre.
Ai që na ka bërë më shumë përshtypje është komenti i Era Istrefit, e cila tashmë e thërret “zemër” në publik këngëtarin e njohur.
Ajo madje i ka lënë komente dhe pëlqime në çdo postim të tij në Instagram.
Këto premtime dashurie na bëjnë të mendojmë se lidhja e tyre e përfolur tashmë është konsoliduar.
Era Istrefi hodhi pas krahëve historinë e dashurisë me ish-menaxherin e saj Faton Shoshi, ndërsa Perreta i ka dhënë fund lidhjes me supermodelen Barbara Palvin kohë më parë.
Tani na mbetet vetëm të presim që ta bëjnë zyrtare!
Discussion about this post