I dehur rrihte bashkëshorten e pajisur me urdhër-mbrojtje, arrestohet 48-vjeçari në Korçë

Kastriot Hoxha 48 vjeç është vënë në prangat e policisë, pas dhunës fizike dhe psikologjike të ushtruar ndaj bashkëshortes së tij.

Ai akuzohet se më 22 janar 2017, nën efektin e pijes alkoolike ka rrahur bashkëshorten T. H. 40 vjeçe, të pajisur me vendim gjykate.

Detaje të Policisë së Korçës:

Specialistët e Seksionit për Krimet në Komisariatin e Policisë Maliq, bënë kapjen dhe arrestimin në flagrancë të shtetasit :

Kastriot Hoxha, 48 vjeç, banues në fshatin Bregas-Maliq.

Arrestimi i tij u bë pasi, më datë 22.01.2017 dyshohet se ky shtetas në banesë në gjendje të dehur, ka ushtruar dhunë fizike e psikologjike  ndaj bashkëshortes së tij shtetases T.H, 40 vjeçe, e cila ka qenë e pajisur me vendim Gjykate nr 1743 të datës 29.06.2016.

Materialet i kaluan Prokurorisë të Rrethit Gjyqësor Korçë, për veprën penale: “Dhuna në familje”; “Veprime në kundërshtim me vendimin e gjykatës”parashikuar nga neni 130/a dhe 321/2 i Kodit Penal.