Një shtetas, banues në Lushnje, është vënë në prangat e Policisë së Pogradecit, pasi tentoi të korruptonte punonjësit e Policisë Rrugore.
Ai ishte duke drejtuar mjetin “Peugeot” në gjendje të dehur, kur u ndalua nga policia.
U vu në pranga Odise Mari 54 vjeç, banues në Lushnje.
Detaje të Policisë së Pogradecit:
Goditet një rast i mitdhënies:
Arrestohet në flagrancë nga Policia një shtetas i cili drejtonte mjetin në gjendje të dehur dhe i ofroi ryshfet punonjësit të Policisë Rrugore.
Specialistët e Seksionit për Krimet në Komisariatin e Policisë Pogradec, bënë arrestimin në flagrancë të shtetasit:
Odise Mari, 54 vjeç, banues në Lushnjë.
Më datë 16.02.2017, ky shtetas u kap në aksin nacional Pogradec – Qafë Thanë, duke drejtuar në gjendje të dehur mjetin tip “Peugeot”, me targë IBY6359. Për t`iu shmangur arrestimit të tij, ky shtetas ka tentuar të korruptojë punonjësin e Policisë, duke i ofruar një kartëmonedhë prej 2.000 lekë.
Materialet i kaluan Prokurorisë të Rrethit Gjyqësor Pogradec, për veprën penale : “Korrupsioni aktiv i personave që ushtrojnë funksione publike” dhe “Drejtim mjeti në mënyrë të parregullt” parashikuar nga nenet 244 dhe 291 të Kodit Penal.
(XH.A/SHUPLAKA)
