Atalanta do të përballet me Juventusin, në ndeshjen e vlefshme për javën e 19-të të Serie A. Pavarësisht se është i dëmtuar, Gjimshiti është ftuar nga trajneri i bergamaskëve, Gasperini, për këtë takim.
Nuk dihet nëse Gjimshiti do të luajë apo jo, por tekniku Gasperini ka vendosur që ta ketë mes të grumbulluarve.
Kujtojmë se mbrojtësi kuqezi u detyrua të largohej në minutën e 24-t nga fusha në ndeshjen ndaj Udines, për shkak të një përplasjeje të ashpër me Ehizibue. Gjimshiti përfundoi në spital, ku iu dëshën 10 qepje në kokë.
