Në Shkodër janë arrestuar nga policia dy persona pasi ishin të shpallur në kërkim. Arben Mlloja, 44 vjeç, ishte i dënuar me 20 vite brug për vrasje.
Ndërsa Eduard Gjergjvataj, 27 vjeç i dënuar me 8 muaj për “Prodhimi dhe mbajtja pa leje e armëve luftarake dhe e municionit”.
DETAJE:
Më datë 13.10.2017, në VKK Rinas, u ekstradua nga Zvicra dhe u dorëzua në Burgun 313 Tiranë, shtetasi në kërkim: Arben Mlloja, 44 vjeç, banues në fshatin Berdicë, Shkodër.
Ndalimi i këtij shtetasi u bë pasi Gjykata e Apelit Shkodër me vendim Nr. 355 datë 03.10.2013 , e ka dënuar me 20 vite burg për veprën penale të “Vrasja në rrethana të tjera cilësuese e mbetur në tentative” dhe “Prodhim dhe mbajtje pa leje të armëve luftarake e municioneve” parashikuar nga nenet 79/dh , 22 e 278/2 të Kodit Penal.
Gjithashtu u ndalua shtetasi në kërkim Eduard Gjergjvataj, 27 vjeç, banues në fshatin Rranxa, Bushat, Vau Dejës, pasi Gjykata e Apelit Shkodër, me vendim Nr. 435, datë.01.01.2009, e ka dënuar me 8 muaj burg për veprën penale të “Prodhimi dhe mbajtja pa leje e armëve luftarake dhe e municionit” parashikuar nga neni 278/2 i Kodit Penal Materialet iu referuan Prokurorisë së Rrethit Gjyqësor Shkodër për veprime të mëtejshme. (J.V/Shuplaka)
Discussion about this post