I dënuar me 8 vite burg, arrestohet 35 vjeçari në Gjirokastër

Në Gjirokastër është  kapur një shtetas që rezultonte i dënuar nga gjykata me 8 vite burg.

Në prangat e policisë ka rënë 35 vjeçari Athenajdo Abazi i cili ishte dënuar nga gjykata për “Trafikimim të lëndëve narkotike e mbetur në tentativë”.

Prokuroria pranë Gjykatës së Shkallës së Parë për Krime të Rënda Tiranë, me shkresë 18/3, datë 19.01.2016, ka dërguar urdhrin e datës 18.01.2016, për ekzekutimin e vendimit penal 83, datë 29.06.2015, të Gjykatës së Shkallës së Parë të Krimeve të Rënda Tiranë, e cila e ka dënuar me 8 (tetë) vjet burg.

Materialet në ngarkim të këtij shtetasi i kaluan Prokurorisë pranë Gjykatës së Shkallës së Parë për Krime të Rënda Tiranë për veprat penale “Trafikim i lëndëve narkotike, e kryer në bashkëpunim, e mbetur në tentativë”.  (J.V/Shuplaka)