Një shtetas italian është ekstraduar nga Italia drejt Shqipërisë, për trafik të mjetëve motorike. Siç raporton policia bëhet fjalë për 35 vjeçarin Massimiliano Locorotondo, i cili është dënuar në vitin 2013 nga Gjykata e Tiranës me 8 vite burg.
Njoftimi i policisë
Ekstradohet nga Italia një shtetas italian i dënuar me 8 vjet burg për “Trafik të mjeteve motorike”.
Nga Zyra Qëndrore Interpol Tirana u krye ekstradimi nga Milano drejt vendit tonë, i shtetasit italian M.L, 35 vjeç, lindur në Ostuni, Itali.
Për këtë shtetas Gjykata e Rrethit Gjyqësor Tiranë, me Vendimin nr. 899 datë 07.07.2013 ka vendosur dënimin me 8 vjet burg, për veprën penale “Trafik i mjeteve motorike”, parashikuar nga neni 141/a/2 e 291 te Kodit Penal të Republikës së Shqipërisë.
(J.D/Faxweb.al)
