I dënuar me mbi 9 vite burg, arrestohet i shpalluri në kërkim për vrasje të mbetur në tentativë dhe armëmbajtje pa leje

Kapet dhe ndalohet një shtetas i shpallur në kërkim i dënuar me 9 vjet, 8 muaj, e 18 ditë, për veprat penale: “Vrasje me dashje e mbetur në tentativë” si dhe “Prodhimi dhe mbajtja pa leje e armëve të gjuetisë dhe sportive”.

Detaje nga Policia e Korçës:

Specialistët e Sektorit  për Krimet e Rënda, në Drejtorinë Vendore të Policisë Korçë, bënë kapjen dhe ndalimin e shtetasit të shpallur në kërkim:

Irjat Rukaj, 51 vjeç, banues në fshatin Shqitas-Maliq.

Ndalimi i tij u bë në bazë të vendimit të formës së prerë nr 215 datë 06.10.2016, të  Gjykatës së Rrethit Gjyqësor Korçë, e cila e ka dënuar këtë shtetas me 9 (nëntë) vjet, 8 (tetë) muaj, e 18 (tetëmbëdhjetë) ditë burg për veprat penale:  “Vrasja me dashje, e mbetur në tentativë” dhe “Prodhimi dhe mbajtje pa leje e armëve të gjuetisë dhe sportive” parashikuar nga nenet 76, 22 dhe  280 të Kodit Penal.

(Ngjarje e ndodhur më datë  08.10.2015, në fshatin Shqitas, ku shtetasi i mësipërm, është konfliktuar për motive të dobëta, me dy vëllezërit Dinoshi)

(XH.A/SHUPLAKA)