4 efektivë në Durrës janë pezulluar nga detyra. Kjo pasi 4 efektivët kanë qenë në shërbim kur shtetasi Afrim Kila, nën masën arrest në shtëpi është larguar nga banesa e tij.
Kila ishte arrest ne shtepi dhe sa eshte njoftuar se gjykata e kishte denuar perfundimisht me 16 vjet burg u largua nga banesa.
Sakaq AMP ka nisur edhe hetim penal për rastin.
Policia e Shtetit
Drejtoria e Standardeve Profesionale e Policisë së Shtetit ka pezulluar nga detyra, për shkelje të pikës 5 të nenit 209 të rregullores së Policisë së Shtetit, punonjësit e Policisë:
-Inspektorë B. V., K. D. dhe O. Sh., të tre oficerë të Patrullës së Përgjithshme të Komisariatit të Policisë Durrës;
-Inspektor S. K., trupë shërbimi në Stacionin e Policisë Manzë.
4 punonjësit e Policisë janë pezulluar nga detyrat, pasi kanë qenë me shërbim, kur është larguar nga banesa e tij në fshatin Gjuricaj, shtetasi A. K., për të cilin Gjykata e Apelit, Tiranë, ka caktuar masën e sigurisë “Arrest në shtëpi”, për veprën penale “Vrasja me dashje”.
Ndërkohë, AMP-ja ka iniciuar hetim penal për këtë rast dhe në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Durrës, vijon puna për zbardhjen e rrethanave dhe përcaktimin ligjor të përgjegjësive.
Discussion about this post