Ilir Xhakja, i dënuari përjetë për vrasjen e kryekomisarit të policisë, Adem Tahiraj është dënuar sërish me 1 vit burg. Gjykata e Krujës e ka dënuar Xhakjan me një vit heqje lirie pasi atij ju gjet celular brenda në qeli, shkruan GSH.al.
Ndërkohë, i akuzuari për vrasjen e kryekomisar Adem Tahirajt do e kalojë pjesën e mbetur të jetës në burg. Ilir Xhakja është dënuar me burgim të përjetshëm nga Gjykata e Krimeve të Rënda.
Krimi i rëndë ndodhi më 13 shtator të vitit 2012 pas një konflikti mes të dënuarit dhe ish- shefit të komisariatit në Shijak.
Vendimi është marrë në seancën e sotme në ngarkim të tij, pasi u dëgjuan edhe pretendimet e palës së mbrojtjes.
Sipas avokatit mbrojtës, Xhakja kishte vepruar në gjaknxehtësi, në kushtet e tronditjes së fortë psikike.
Në pretencë, akuza kërkoi deklarimin e fajshëm të të pandehurit për “vrasje në rrethana cilësuese” dhe dënimin e tij me burgim të përjetshëm.
(M.D/Shuplaka)
