Kryeministri i ri i Maqedonisë, Zoran Zaev, ka bërë një deklaratë të fortë së fundmi lidhur me shtetin e Kosovës dhe anëtarësimin e saj në UNESCO.
Gjatë intervistës së parë si kryeministër, ai është shprehur se Maqedonia ka gabuar kur vendosi të votojë “pro” anëtarësimit të shtetit kosovar.
“Maqedonia do të jetë neutrale për pranimin e Kosovës në UNESCO”, tha Zaevi, ndërsa kritikoi Qeverinë e kaluar sepse kishte lejuar ambasadorin e Maqedonisë në Paris, Agron Buxhaku, të votonte për pranimin e Kosovës në UNESCO.
Kjo deklaratë e Zaev mund t’i ketë pëlqyer Presidentit të ri të Serbisë, Aleksandar Vuçiç, i cili në darkën në Bruksel tha se shpreson që Zaevi ta mbajë fjalën për marrëdhëniet Maqedoni-Kosovë.
“Shpresoj që Zaevi të mbajë premtimet lidhur me Kosovën në UNESCO dhe qëndrimin kundër të Qeverisë maqedonase ndaj kësaj çështje”, pati thënë Vuçiç.
(XH.A/SHUPLAKA)
