Një ngjarje e rëndë u shënua pak pas mesnate, rreth orës 1 të mëngjesit të 2 marsit në fshatin Çermë të Lushnjës. Një 18-vjeçare e identifikuar si Arjola Muça, i dha fund jetës pasi prindërit ranë të flinin.
E reja, studente në universitetin “Aleksandër Xhuvani”, i dha fund jetës me një mbidozë medikamentesh mjekësore. Pavarësisht tentativës së prindërve për ta shpëtuar, ajo ka ndërruar jetë në orën 07:30 të mëngjesit, rrugës për në spital.
Një mikeshë e saj prej 14 vitesh, ka rrëfyer për “JOQ” se Arjola kishte qenë një nxënëse e shkëlqyer në gjimnaz, që dëshironte të vazhdonte studimet në Tiranë, por kjo ëndërr nuk u realizua. Sipas saj i vetëvrasjes, mund të jetë bërë ngelja në një provim.
Gjithmonë ka qenë një vajzë e ndrojtur dhe prekej shpejt për një fjalë të vogël. Ditën e djeshme më lajmëruan familjarët se ajo ka pirë fotoksinë, pasi kishte ngelur në një provim”, është shprehur shoqja e Arjolës.
(XH.A/SHUPLAKA)
