Ish-kryeministri Sali Berisha thotë se reforma në drejtësi nuk ekziston pasi Edi Rama i ka marrë të tëra.
Gjatë intervistës në Abc News, Berisha akuzoi dy ambasadorët, Lu e Vlahutin, të cilët sipas planit të Sorosit ia dhanë drejtësinë Edi Ramës.
“Reforma në drejtësi është hedhur në erë. Ky përvetësim që i bëri Edi Rama drejtësisë, do t’i kushtojë atij edhe lëkurën e tij, sepse e mori drejtësinë mbi vete. Dy ambasadorët në zbatim të platformës së Sorosit bënë gjithçka t’i japin drejtësinë atij. Rama ka kapur tërësisht drejtësinë. Sot s’ka reformë, reforma është e hedhur në erë që në momentin e vendosjes së Ramës si kryeprokuror”, tha Berisha.
Gjithashtu ish-kryeministri u shpreh se shqiptarët do të kenë një pranverë të vërtetë lirie dhe Rama do të mbetet në histori si një ndër njerëzit më pa pikë respekti.
Berisha thotë se drejtësia e njëanshme do të nxisë revoltën popullore, ndërsa në lidhje me strategjinë e opozitës Berisha u shpreh se do elaborohet nga udhëheqësit e saj.
“S’ka asgjë më shumë se drejtësia e njëanshme që nxit reformën popullore. Rama mund të mbushë burgjet, por qytetarëve u lind e drejta e revoltës. Do kemi nje pranvere me te vertete te lirive te shqiptareve dhe Rama do mbetet ne histori si nje nga njerezit qe nuk ka pike respekti per veten e tij.
Ka strategji opozita, ato do i elaborojne udheheqesit e saj.
Strategjia eshte qe Rama nuk mund te flase ne Parlament, Sa te lirohen te burgosurit, Rama do i kete ditet shume te veshtira”, tha Bersiha.
(B.H/Faxweb)
Discussion about this post