I dhunojnë gruan në derë të shtëpisë dhe në sy të fëmijëve, gazetari: Këtë të drejtë ta jep Rilindja…

Gazetarit investigativ Telnis Skuqit, i kanë dhunuar gruan në derë të shtëpisë, për më tepër në sy të fëmijëve. Këtë lajm e bën me dije vetë gazetari, i cili nëpërmjet një postimi në Facebook shprehet se agresorja pavarësisht veprës penale që ka kryer është lënë e lirë nga drejtësia.

Skuqi akuzon qeverinë, duke thënë se “Rilindja” u ka dhënë të drejtë njerëzve të trokasin në derë dhe të sulmojnë.

POSTIMI I GAZETARIT

 “NUK GJEJ FJALE

Kaq shumë i ka verbuar urrejtja njerëzit, sa janë të gatshëm të trokasin në derë ku jeton dhe më pas të sulmojnë një grua në sytë e dy fëmijëve të vegjël, sepse këtë të drejtë ta jep rilindja.
Jo vetëm kaq, por agresorja jo vetëm që nuk është ndaluar (pasi ka kryer një dhunë me paramendim), por është lënë në gjykim të lirë, pavarësisht se ka konsumuar disa vepra penale.
E para: Ka dhunuar me paramendimin nënën e fëmijëve të mi.
E dyta: Ka shkelur privatësinë e familjes sime.
E treta: Ka traumatizuar dy fëmijët e mi etj.
Sinqerisht nuk gjej fjalë”,-shkruan gazetari teksa ka publikuar foton e gruas së dhunuar, por pa treguar agresorin dhe arsyen. (D.D/Shuplaka)