Prindërit e Marvi Mihalit janë shfaqur tejet të revoltuar pas seancës së sotme që u zhvillua në Gjykatë, ndërsa shprehen se po humbasin çdo ditë dhe më shumë besimin që kanë te drejtësia.
Sipas deklarimeve të prindërve, Prokurori Artan Lulaj e vrau Marvin për herë të dytë. Ata shprehen se gjyqi në ngarkim të vrasësve të djalit të tyre ishte i parregullt dhe se të rinjtë luajtën ping-pong mes tyre për të marrë përsipër ngjarjen.
Nëna e Marvit, Fatmira Mihali bën thirjen e fortë që nëse nuk zbatohet ligji dhe nuk dënohen kriminelët do të zbatohet Kanuni.
Ajo kërkon dënimin maksimal për fajtorët dhe se do ta ndjekë deri në fund këtë cështje sepse nuk ka çmim për gjakun e fëmijëve. Ajo ka mohuar deklarimet e prindërve të Eugen Bitrajt se ata kërkojnë para për dëmshpërblim.
‘’Që në momentin që ka ndodhur vrasja ai thotë që është ngjarje kalamajsh. Djali im është në dhe dhe ai vazhdon të thotë ketë gjë dhe mbështet dhe nga Artan Lulja, që i ka të përlyera duar me gjakun e djalit tim.
Drejtësia do të vendoset dhe është turp që ai akoma është që vazhdon të thotë se ne kemi kërkuar padi civile. Ne do ti japim dokumentet shtypit që të shihet që nuk ka asnjë gjyq civil dhe sdo ketë asnjë gjyq dëmshpërblimi. Turpi atij, maskarallëku i atij, shpifjet arritën deri aty sa tha, për një thikë të dënohen katër veta.
Nga drejtësia pres që ata të marrin dënimin maksimal. Klasifikimi i veprës është vrasje me paramendim në bashkëpunim. Ata e vranë, nuk u dorëzuan në polici. Ka shkuar policia ti arrestojë”, u shpreh nëna e Marvi Mihalit.
Ajo tha më tej se djalit të saj i dhunuan kufomën, ndërsa janë intimiduar të gjithë dëshmtarët.
“I kanë dhunuar kufomën të katërt të pestë sa kanë qene dhe që në momentin e parë ata nuk kanë pranuar krimin. Kanë luajtut ping-pong me aktin, një herë e vrau Djevi pas tre muajsh Eugeni.
Të gjithë dëshmitarët janë intimiduar nga oficeri i policisë gjyqsore Kliton Zharri. Deri më sot kemi thënë që do presim drejtësinë, unë drejtësinë do e vendos me cdo kusht deri sa të këm frymë. Nuk do rrij më të recitoj Migjenin, boll i kam duruar baballarët e kriminelëve duke më hedhur vështrime ku fëmijët e tyre as nuk janë paraqitur në gjyq”, tha më tej Fatmira Mihali.
‘’Prokurori tha që Eugeni dënohet 18 vjet se ka lehtësi që është dorëzuar. Ky gjyq po bëhet për vrasjen e Marvi Mihalit apao për të lehtësuar vrasësit? Ia thershin djalin me thika në burg, dhe ta shohë ai çmimin”, përfundoi nëna e Marvit e revoltuar.
(E.K/FAXWEB.AL)
