Gjykata e Krimeve të Rënda ka dhënë ditën e sotme masën “Arrest me burg” për Gjergj Cukalin, personin e akuzuar për vrasjen e ish-efektivit Arben Bilali.
Sipas burimeve, Prokuroria ka deklaruar se ka prova të mjaftueshme të cilat vërtetojnë fajsinë e Cukalit, ndërsa ky i fundit, i pranishëm në seancën e sotme i ka mohuar të gjitha akuzat e ngritura.
Ish-polici Arben Bilali u ekzekutua në zonën e Selitës në Tiranë, ngjarje e cila ndodhi në 30 Janar të këtij viti në zonën e Selitës në Tiranë. (Lexo edhe ketu)
Ndërkohë Gjergji Cukali, i njohur si ‘’i forti i Myslym Shyrit” i arrestuar ditën e djeshme, ka qenë arrestuar edhe më parë nga ana e Policisë së Tiranës disa herë, por që më pas është lënë i lirë, në rrethana ende të paqarta. (Lexo edhe ketu)
Mësohet se përfshirja e Gjergj Cukalit në vrasje është zbuluar nëpërmjet analizës së ADN-së të marrë nga një shishe uji.
40 vjeçari, mik i ngushtë i Emiljano Shullazit, rezulton i dënuar më parë për veprat penale të “Prodhimi dhe shitja e narkotikëve’”, “Armëmbajtja pa leje” dhe “Rrëmbim personi”.
Discussion about this post