Situata e mungesës së energjisë elektrike, nuk mungoi të prekë as Teatrin Kombëtar. Në dy shfaqje të ndryshme ka pasur ndërpreje të energjisë elektrike. Ngjarje e cila ka krijuar një ndjesi negative jo vetëm te publiku, por edhe te aktorët, të cilët e kanë quajtur të papranueshëm këtë fakt.
‘’Kemi pasur një incident po e quaj te ‘’Don Kishoti’’, që ka zgjatur rreth 20 minuta dhe tashmë kemi siguruar një gjenerator. Ikën edhe njëherë dritat te shfaqja ‘’Opera për tre grosh’’ për tre minuta, sepse nuk ishte kolauduar gjeneratori deri në fund, dhe sipas të gjitha premtimeve të OSHEE-së ne nuk do të kemi më problem me dritat’’, është shprehur Hervin Çuli, drejtuesi i Teatrit.
Pra OSHE-ja ka vendosur të japë një zgjidhje provizore duke dhënë një gjenerator për Teatrin, në rast se përsëriten defektet në sistemion e shpërndarjes së energjisë.
