Është identifikuar autori i dyshuar për sulmin e mbrëmshëm në kryeqytetin francez. Autoritetet vendase kanë ushtruar kontroll në banesën e tij në periferinë lindore të Parisit.
Ai është identifikuar si Karim Cheurfi 39 vjeç, një emër i njohur për policinë franceze, me rekorde të mëparshme kriminale. Gazeta franceze “Le Parisien” shkruan se Cheurfi ishte dënuar më parë për një sulm të kryer ndaj një polici në vitin 2001.
Kontrolli i banesës së tij ka habitur fqinjët, të cilët janë shprehur se mendonin se e njihnin 39-vjeçarin: “Ne jemi të gjithë të shokuar. Kurrë nuk kemi vërejtur diçka anormale tek ai, tip i mbyllur dhe që nuk dukej se kërkonte probleme”.
(XH.A/SHUPLAKA)
