Pas atentatit në Sheshin “Isa Boletini” në Shkodër, i plagosuri Ilmir Hajdari është sjellë me urgjencë në Tiranë, nga spitali rajonal i Shkodrës. Hajdari mësohet se ndodhet në gjendje kritike për jetën.
Atentati ka ndodhur rreth orës 21:30, në lagjen “Perash” në vendin e quajtur “Sheshi Isa Boletini”. Disa persona të armatosur të cilët kanë qenë duke qarkulluar me makinë, kanë qëlluar me breshëri plumbash drejt Hajdarit.
I plagosuri rezulton një person me precedent penal, pasi është akuzuar për atentatin dhe vrasjen me armë zjarri të Indrit Bajrit në më 21 tetor të vitit 2001, ndaj edhe policia po heton pistën e hakmarrjes.
Së bashku me dikë tjetër të quajtur Xhabir Shegaj si edhe një person i tretë, Hajdari ka ekzekutuar me automatik Indrit Bajrin.
Hajdari dhe Bajri kishin debatuar me njëri-tjetrit, e në debat e sipër kanë kërcënuar njëri-tjetrin. Më pas janë ndarë të acaruar, kështu Hajdari pas debatit merr me vete edhe Xhabir Shegën e Kujtim Barbullushin dhe nisen drejt Bajrit.
Të hipur mbi një makinë “Mercedes Benz “ dhe të armatosur me armë, të tre po lëviznin nga qendra e qytetit, në rrugën kryesore, në drejtim të lagjes “Partizani” (Rus).”
Te kryqëzimi, pranë Shkollës së Muzikës, në trotuarin pranë restorant “Podgorica”, Ilmir Hajdari vë re Indrit Bajrin dhe ky i fundit vë re të pandehurin.
Pas kësaj ata kanë reaguar duke qëlluar në drejtim të Bajrit. Pak vite pas ngjarjes, në 2015-ën, Shegaj u ekzekutua me snajper për hakmarrje ndaj vrasjes së Bajrit. (D.D/Shuplaka)
Discussion about this post