Temperaturat do të vijojnë të ulen nga dita në ditë, duke e bërë të dielën ndoshta ditën më të ftohtë të dhjetorit. Sipas sinoptikanëve, kjo vjen si pasojë e rrymave të ftohta siberiane.
“Deri në fundjavë pritet të jemi në ndikimin e motit të kthjellët por shumë të ftohtë. Pritet të kemi sërish në fundjavë edhe një tjetër rënie duke bërë që termometri të zbresë në zonat malore deri në -10 apo -11 gradë”, tha Lajda Porja për TV Klan.
Këto janë vlera më të ulëta krahasuar me mesataren shumëvjeçare të muajit në të cilin ndodhemi.
Parashikohet që i ftohti siberian të largohet javën e ardhshme, ku pritet edhe një rritje e temperaturave.
