Astronauti amerikan Gene Cernan është ndarë nga jeta në moshën 82-vjeçare. Ai cilësohet si njeriu i fundit që ka ecur mbi sipërfaqen e Hënës.
Ai ishte një ndër tre njerëzit që shkoi dy herë në Hënë. Gjatë historisë së njerëzimit, vetëm 12 njerëz kanë shkelur në Hënë, e ndër ta vetëm gjashtë prej tyre janë ende gjallë.
Gene Cernan ndërroi jetë të hënën si pasojë e disa komplikimeve shëndetësore, për të cilat familja nuk ka dhënë detaje.
“Po ikim ashtu si erdhëm dhe nëse është vullneti i zotit, do të kthehemi sërish në paqe dhe me shpresë për gjithë njerëzimin”, u shpreh Cernan gjatë udhëtimit të tij të dytë në Hënë. (XH.A/SHUPLAKA)
Discussion about this post