Reagimeve për arreestimin e Kastriot Myftarajt ditën e djeshme i është bashkuar edhe Shkëlzen Berisha. Në një status të skurtër ai ka ironizuar arrestimin e Myftarajt po edhe letrën e Kadaresë drejtuar ambasadores Vlahutin.
‘’I gjati arreston Kastriotin.Gjigandi i bie në gjunjë Romanës. Mungon vetëm një harakiri kolektiv’’, shkruan Berisha.
Duhet thënë se arrestimi i Myftarajt dhe më pas lirimi i tij është shoqëruar me kritika të forta dhe me një lumë komentesh edhe në rrjetet sociale.
Në letrën e tij Kadare madje thoshte se ishte i gatshëm ti ulej në gjunjë Vlahutinit në mënyrë që t’i kërkonte falje për fyerjen që i ishte bërë.
LETRA E KADARESË:
Letër e hapur nga shkrimtari Ismail Kadare, pas publikimit nga shtypi shqiptar të një artikulli që përmbante fyerje dhe kërcënime serioze me rrezik për shëndetin dhe jetën e Ambasadores së BE-së Romana Vlahutin.
E nderuara Zonjë,
Më lejoni t’ju drejtohem me këtë letër krejtësisht personale, për tronditjen që më shkaktoi sot fyerja e paskrupullt që u bë publikisht kundër jush në shtypin shqiptar.
Nuk është fjala për të sqaruar këtu se ç’është fyerja e një njeriu jo normal dhe se sa pak lidhje ka ajo me një popull e një shoqëri të tërë. Megjithatë ajo fyerje u botua nga shtypi i vendit tim, kështu që në një mënyrë ose një tjetër na vuri para përgjegjësisë të gjithëve.
Ndonëse shkrimtar i njohur, nuk marr përsipër të përgjigjem për ato çka mund të ndodhin në këtë vend, për mirë apo për keq. Do të doja thjesht të ndaja me ju pikëllimin që mund të ndiejë njeriu, i cili, në vendin ku vjen të ndihmojë për kapërcimin e brengave, ndeshet me një mosmirënjohje të tillë.
E dashur Romana Vlahutin, do të isha gati t’ju kërkoja ndjesë në gjunjë, për t’ju siguruar se mirënjohja për ju është e do të jetë e pacënueshme.
Ismail Kadare (E.K/SHUPLAKA)
Discussion about this post