Nga policia e Shkodrës është arrestuar një 27-vjeçar pasi vetëm 3 ditë më parë në vendin e quajtur shatervani Parrucë ka gjetur një çantë dore, brenda të cilës kishte 2 karta krediti si dhe një shumë monetare brenda.
27 vjeçari ka përdorur këto karta krediti duke tërhequr nga bankomati i një banke, shumën prej 100.000 lek të reja, shumë të cilën e ka shpenzuar duke luajtur në kazino. Theksojmë që çanta i përkishte 65 vjeçarit me iniciale R. B.
DETAJE:
Më datë 14.08.2017, nga shërbimet e Komisariatit të Policisë Shkodër pas një pune hetimore të mirëfilltë, u bë ndalimi i shtetasit: Muharrem Peti , 27 vjeç, banues në Dibër Ndalimi i tij u bë pasi , ky shtetas më datë 11.08.2017, në vendin e quajtur shatervani Parrucë në Shkodër ka gjetur një çantë dore, brenda të cilës kishte 2 karta krediti si dhe një shumë monetare brenda, të cilat i përkisnin shtetasit R. B. 65 vjeç, banues në Shkodër, i cili ka bërë kallzim për humbjen e kësaj çante.
Gjithashtu më datë 11.08.2017 dhe 12.08.2017, shtetasi Muharrem Peti , ka përdorur këto karta krediti duke tërhequr nga bankomati i një banke, shumën prej 100.000 lek të reja, shumë të cilën e ka shpenzuar duke luajtur në kazino. Materialet i kaluan Prokurorisë së Rrethit Gjyqësor Shkodër për vepren penale “Vjedhja” parashikuar nga neni 134 i Kodit Penal. (J.V/Shuplaka)
Discussion about this post