Pas atentatit të shënuar ditën e djeshme, biznesmeni Tefik Hyka, i cili u qëllua nga dy persona me motor teksa ndodhej në lokal në shoqërinë e një femre, u transportua menjëherë në Spitalin Ushtarak në gjendje të rëndë shëndetësore.
Mësohet se i janë gjetur 3 copa plumbash në kokë, çka i ka shkaktuar hemorragji. Ndërkohë që po pritet t’i thahet gjaku, ai ndodhet në terapi intensive në reanimacion.
Gjatë paradites së sotme u zbulua se një nga pistat ku po hetohet mbi atentatin ndaj tij është ajo e porositjes së ekzekutimit nga Franca, vend ku ai jetonte bashkë me familjen, ku mundet që të jetë përfshirë në ndonjë konflikt. Megjithatë vijojnë hetimet edhe në pistën e hakmarrjes mbi ngjarjen e ndodhur në 1995.
(XH.A/SHUPLAKA)
