I gjendet mitraloz me 100 fishekë në banesë, kush është 30-vjeçari i arrestuar në Kukës (EMRI)

Policia në Kukës ka arretuar në flagrancë një 30-vjeçar pasi në banesën e tij është gjetur një armë zjarri tip mitraloz dhe 100 fishekë.

I arrestuari është Shkëlqim Kuçi, 30 vjeç, banues në fshatin Morinë.

Njoftimi i policisë:

Kukës.

I gjendet në banesë 1 armë zjarri  mitraloz  me 100 fishekë,  arrestohet në flagrancë 30 vjeçari.

Specialistët për Hetimin e Krimeve në Komisariatin e Policisë Kukës, bënë arrestimin në flagrancë të shtetasit;

– Shkëlqim Kuçi, 30 vjeç, banues në fshatin Morinë.

Arrestimi i tij u bë pasi gjatë kontrollit të ushtruar nga Policia në çatinë e  banesës së tij,  ju gjet dhe sekuestrua në cilësinë e provës materiale një armë zjarri mitraoz si dhe një kasetë fishekësh me 100 copë fishekë.

Materialet proceduriale  do ti kalojnë Prokurorisë së Rrethit Gjyqësor Kukës për veprën penale “Prodhimi dhe mbajtja pa leje e armëve luftarake dhe municionit “, parashikuar nga neni 278 i Kodit Penal.

(B.H/Faxweb)