I gjetën në banesë drogë dhe municione ushtarake, arrestohet 48-vjeçari në Shijak

Në Shijak është arrestuar Bashkim Keçi pasi  në banesën e tij iu gjetën drogë dhe municione ushtarake. 

DETAJE:

Specialistët e Seksionit për Narkotikët ndalojnë një shtetas të shpallur në kërkim. Në vijim të operacionit “Mbrëmja”finalizuar më datë 10.08.2017, pas një ndjekje për rreth 1 muaj kapet autori i dyshuar.

Në bazë të këtij operacioni u sekuestruan Heroinë, peshore elektronike, armë e ftohtë dhe 124 copë fishekë. Në vijim të njoftimit të dhënë më datë 11.08.2017, ku Specialistët e Seksionit për Hetimin e Narkotikëve në Drejtorinë Vendore të Policisë Durrës finalizuan me sukses operacionin e koduar”Mbrëmja”, pas një ndjekje për rreh një muaj, Specialistët kanë bërë të mundur kapjen e autorit të dyshuar, konkretisht shtetasin: • Bashkim Keçi 48 vjeç, banues në Shijak.

Keçi u ndalua, pasi Prokuroria e Rrethit Gjyqësor Durrës me shkresën Nr.2578, datë 25.09.2017 ka nxjerrë Urdhërin e Ndalimit pasi dyshohet për veprat penale”Prodhimi dhe shitja e narkotikëve”, “Mbajtja pa leje e armëve dhe municioneve luftarake”dhe”Prodhimi, mbajtja apo shitja pa leje e armëve të ftohta”parashikuar në nenet 283/1, 278/2 dhe 279/1 të Kodit Penal. Përmbledhje e ngjarjes së ndodhur:

Më datë 10.08.2017, në bazë të informacioneve të marra na rrugë operative, gjatë kontrollit të ushtruar nga Specialistët për Hetimin e Narkoitkëve në banesën e shtetasit Bashkim Keçi në Shijak u gjetën dhe u sekuestruan në cilësinë e provave materiale: • 447.5 gramë lëndë narkotike e dyshuar e llojit Heroinë; • një peshore mekanike dhe një peshore elektronike; • një thikë me gjatësi 27 cm dhe • 124 copë fishekë model 56. Materialet i kaluan Prokurorisë së Rrethit Gjyqësor Durrës për veprime të mëtejshme. (J.V/Shuplaka)