Shefqet Fjolla, xhaxhai i viktimës në Paskuqan Enkeleda Çapoku, tregoi për “FaxNews” detaje nga krimi makabër i ndodhur në orët e vona të së enjtes.
Ai rrëfeu se Erdet Çapoku, autori i vrasjes, është futur me dhunë në shtëpi duke i gjuajtur derës. Më pas ai shtoi se e ka gjetur mbesën të pajetë, pasi Çapoku e kishte goditur dhe i kishte prerë edhe damarët.
“Ai erdhi me qëllim për ta vrarë. E kërcënonte mbesën time. Kishte urhdër mbrojtje. I ka gjuajtur derës me shqelma, ka hapur derën, i ka gjuajtur nënës edhe të bijës. I kishte prerë damarët në krahun e djathtë, ashtu e gjetëm”, rrëfeu xhaxhai i 39-vjeçares.
Ai tregoi edhe se për çfarë është dënuar me burg xhaxhai i Enkeleda Çapokut. “Bashkëshorti i mbesës time po bën 7 vjet në burg. Ai u ngatërrua me ca shokë dhe u dënua për punë droge. Nëna e mbesës jetonte me të që kur hyri i shoqi brenda. Nuk kam informacion për konfliktet e mëparshme”, tha Shefqet Fjolla për “FaxNews”.
